වලාකුළු පරිගණක තාක්ෂණය

වලාකුළු පරිගණක තාක්ෂණය යනු පරිශීලකයන්ට අන්තර්ජාලය හරහා පරිගණක සේවා සැපයීමයි.එනම්,පරිශීලකයන්ට ඔවුන්ගේ අන්තර්ජාල සම්බන්ධිත උපාංග හරහා ගබඩාව,ගොනු,මෘදුකාංග සහ සේවාදායක වෙත ප්‍රවේශය ලබාදෙයි. මෙම වලාකුළු පරිගණක තාක්ෂණය 1999 දී  Salesforce.com විසින් ක්‍රියාත්මක කර ඇත. පසුව 2006 දී Amazon විසින්ද 2009 දී Microsoft ද අනතුරුව Alibaba, HP, IBM වැනි සමාගම්ද වලාකුළු සේවා හදුන්වා දෙන ලදි. මෙම වලාකුළු පරිගණක සේවා සපයන්නන් අවසාන පරිශීලකයින්ගෙන් වෙන් වූ ස්ථානයක දත්ත ගබඩා කර සකසයි.සේවාදායකයන් ගබඩා කිරීම, දත්ත සමුදාය,ජාලකරණ මෘදුකාංග සහ තවත් දේ වෙත මෙමගින් ප්‍රවේශ විය හැක. වලාකුළු පරිගණක සේවාවන් සපයන්නන් ලෙස Amazon, Google cloud , IBM ආදිය හදුනාගත හැක.

වලාකුළු පරිගණක හි ප්‍රාථමික සේවා ආකෘති තුනක් ඇත.

යටිතල පහසුකම් සේවාවක් ලෙස (Iaas)
වේදිකාවක සේවාවක් ලෙස ( Paas )
මෘදුකාංග සේවාවක් ලෙස ( Saas )
යටිතල පහසුකම් සේවාවක් ලෙස ( Infrastructure as a Service )

අන්තර්ජාලය හරහා අථත්‍ය පරිගණක සම්පත් ලබාදෙයි. මෙයට ජනප්‍රිය උදාහරණ ලෙස IBM cloud , Microsoft Azure ඇතුළත් වේ.

වේදිකාවක සේවාවක් ලෙස ( Platform as a Service)

මෙහිදි අන්තර්ජාලය හරහා මෘදුකාංග බෙදා හැරීම වෙනුවට බෙදා හරින ලද මෘදුකංග නිර්මාණය කිරීමේ කාර්්‍ය‍ය ඉටු කරයි.

උදා:-  Salesforce.com , Heroku

මෘදුකාංග සේවාවක් ලෙස ( Software as a Service)

මෙම යෙදුම් අන්තර්ජාල සම්බන්ධතාවයක් සමඟ ඕනෑම තැනක සිට ප්‍රවේශ විය හැක. Saas සපයන්නා මෘදුකාංග යාවත්කාලීන කිරීම සහ නඩත්තු කළමනාකරණය කරයි.  උදා :- Microsoft office 365

වලාකුළු පරිගණක තුලින් මෘදුකාංග පිරිවැය අඩු කිරීම, දත්ත සමුදය ආරක්ෂා කිරීම, නම්‍යශීලිබව ආදි වාසි ඇත.

නමුත් මෙයට ප්‍රවේශ වීමට සැමවිටම අන්තර්ජාල  සම්බන්ධතාවක් අවශ්‍ය වේ. එය මෙයට ඇති අවාසියකි.

කෙසේ වෙතත් විය හැකි අවදානම් අවම කිරීම සහ සංවේදී තොරතුරු ආරක්ශා කිරීම සහතික කිරීම සදහා වලාකුළු සේවා භාවිතා කිරීමේදී සංවිධාන විසින් ආරක්ෂාව,දත්ත පෞද්ගලිකත්වය සහ නියාමන අනුකූලතාව සලකා බැලිය යුතුය.

එස්.කෝකිලා ගිම්හානි පීරිස්.
12 B ශ්‍රේණිය (12-13)
බප/කළු මහානාම ම.වි
පානදුර.